الزوجة "القديمة حكايات شروق خالد
ميليسا وأنا هنفتح شركتنا الشهر الجاي.
تامر قال الجملة دي وهو بيدهن الزبدة على التوست بمنتهى البرود، كأنه بيحكي لي عن حالة الطقس. مكنش فيه ذرة ارتباك في عينه، ولا رعشة في إيده.. كان متحمس، وده اللي خلى صوابعي تغرز في فنجان القهوة لحد ما كان هيتكسر في إيدي.
ثمان سنين وأنا مراته. حافظة تفاصيل يومه، ونفسه في النوم، والبروفات اللي بيعملها قدام المراية عشان يبان رجل أعمال واثق. بس عمري.. عمري ما سمعت اسم ميليسا ده على لسانه. ولا مرة!
ابتسمت بتمثيلية تستاهل أوسكار وقولتله مبروك يا حبيبي.. احكي لي أكتر، مين ميليسا دي؟
رد وهو مش باصص لي دي خبرة سنين يا لورين.. إحنا بنكمل بعض بجد.
بنكمل بعض.. الجملة دي نزلت على قلبي زي مية النار.
الخيط الأول
وهو نازل يلحق اجتماعه، باس راسي.. شميت في ياقة قميصه ريحة برفيوم حريمي ثقيلة.. ريحة ست عارفة هي بتعمل إيه، مش ريحتي الهادية خالص.
خلال ٢٤ ساعة، كنت عرفت الفولة.
ميليسا شاهين.
شاهين ده كان لقب تامر القديم قبل ما يغيره ل عز الدين قبل جوازنا بسنة.
تامر شاهين اتجوز ميليسا في لبنان، وعاشوا مع بعض ٥ سنين، وطلقها قبل ما يقابلني بشهور.
ثمان سنين جواز، والراجل ده ماسح تاريخه ب أستيكة. مأقنعني إن مفيش ست قبلي، وإنه بنى نفسه من الصفر.. وهو في الحقيقة
الطعنة الكبيرة
بدأت أراقب عش الدبابير اللي بيفتحوه. تامر كان بيرجع البيت يحكي لي عن ذوق ميليسا الراقي، وأنا أهز راسي وأنا بحضر له عشاه.
بس في الدرى، كنت بجمع الفضايح
قروض البنك باسم لقبه القديم.
عقد مكتب الزمالك اللي مكتوب فيه اسمها للإخطار عند الطوارئ.. مش أنا!
والضربة القاضية كانت في إيميلاتهم.. مكنتش لورين مراته، كنت مسمية عقبة القاهرة اللي لازم يسايسوها لحد ما يخلصوا أوراق الشركة.
شفتهم بعيني قدام المكتب.. ك، كأنه عمره ما نسيها، وكأني كنت مجرد محطة أو ممولة لفترة انتقالية في حياته.
ليلة السقوط
تامر، من كتر ثقته في غبائي، طلب مني أنظم حفلة الافتتاح.
خايف تحسي إنك غريبة عن نجاحي يا لورين.
رديت عليه بابتسامة صافية أنا مجهزة لك مفاجأة في الحفلة هتخلي مصر كلها تتكلم عنك.
يوم الحفلة في النايل سيتي، لبست فستان أحمر بلون الدم.. الفستان اللي تامر كان بيقول عليه بيخليني أخطف الأنظار.
القاعة كانت محشرة حيتان ومستثمرين. ميليسا واقفة جنبه، لابسة كحلي، شيك، وواثقة لدرجة مستفزة.
تامر وقف ورا المايك بزهو أحب أقدم لكم شريكتي والعمود الفقري لنجاحي.. ميليسا شاهين.
القاعة صقفت.. هي داس على الريموت عشان تبدأ عرض تاريخ كفاحهم، بس الشاشة فضلت سودة.
تامر ضحك بإحراج ثواني يا جماعة، عطل فني.
في اللحظة دي، قمت وقفت في نص القاعة، وطلعت الريموت الأصلي من شنطتي، وقولت بصوت سمعه آخر واحد في الفندق
العطل مش في الشاشة يا تامر.. العطل في حياتك اللي كلها كذب!
دوست على الزرار.. وبدل صور الشركة، ظهرت صور قسيمة جوازهم القديمة، مراسلاتهم اللي بيخططوا فيها لسرقتي، في الوقت اللي كان بيقولي فيه إنه في مأمورية شغل.
القاعة قطعت النفس.. تامر وشه بقى أزرق، وميليسا كانت بتموت من الكسفة.. وأنا؟ أنا أخدت شنطتي وخرجت وأنا سامعة صوت هيبته وهي بتتحطم مية حتة ورايا.
أخدت خطوة وسعة ناحية المنصة، وصوت كعبي على الأرض كان هو الصوت الوحيد المسموع في القاعة اللي كانت من ثواني بتضج بالضحك والمجاملات. تامر وشه كان مخطوف، عينه بتلف في القاعة يدور على مخرج، وميليسا إيدها كانت بتترعش وهي بتحاول تدوس على ريموت الشاشة اللي خلاص مابقاش تحت سيطرتها.
وقفت قدام المايك، وبصيت لتامر بابتسامة باردة وقولت
تامر نسي يقولكم أهم جزء في السيرة الذاتية لشريكته المبدعة.. نسي يقولكم إنها كانت شريكته في البيت قبل ما تبقى شريكته في المكتب، والأهم.. إنها كانت شريكته في خطة نصب بقالها سنين بتترسم عليا.
همهمات المعازيم بدأت تعلى، ورجال الأعمال بدأوا يبصوا لبعض بصدمة. دوست
ميليسا حاولت تتدخل وصوتها طالع مهزوز أنتِ أكيد اتجننتي! إيه القرف اللي بتعرضيه ده؟
بصيت لها من فوق لتحت وقولت بصوت واثق
الجنون يا مدام ميليسا هو إنكم تفتكروا إن عقبة القاهرة غبية للدرجة دي.. تامر، الورق اللي أنت شايفه ده مش بس فضيحة قدام الناس دي، ده بلاغ رسمي بالسرقة والتزوير اتقدم للنيابة من ساعة بالظبط.
تامر قرب مني وهو بيحاول يهمس من بين سنانه لورين، اطلعي برا دلوقتي وهنتفاهم، أنتِ بتهدي كل حاجة!
ضحكت بصوت عالي سمعه الكل وقولت
أنا مش بهد حاجتك يا تامر.. أنا بسترد حاجتي أنا. الشركة دي، بالمكتب اللي في الزمالك، بالعقود اللي مضيتها باسمك القديم.. كلها محجوز عليها تحفظياً.
القاعة اتقلبت لهرج ومرج. المعازيم بدأوا ينسحبوا بسرعة عشان ميبقوش طرف في الفضيحة، وميليسا لفت وشها الناحية التانية وهي بتغطي وشها بشنطتها من فلاشات الموبايلات اللي بدأت تصور.
بصيت لتامر لآخر مرة، كان منظره يصعب على الكافر وهو واقف لوحده في نص المسرح، البدلة الشيك مابقتش لايقة على كسرته. قربت من ودنه وقولتله
اللقمة
