المعجزة اللي جت متأخر حكايات شروق خالد

أنا بقيت صاحبة واحدة من أكبر شركات التصميم الهندسي اللي كبرت في وقت قياسي.
وفجأة، شفته.
كريم دخل القاعة وسارة في إيده. سارة كانت لابسة فستان مبهرج زيادة عن اللزوم، وبتحاول تلفت النظر بكل طريقة، بس أول ما عين كريم جات في عيني، خطواته اتكعبلت. ملامحه اتغيرت.. كان باين عليه الإجهاد، البدلة غالية بس مطفية، وعينه فيها كسرة مش متعودة عليها.
سارة شافتني وقررت تقرب وهي رسمة ابتسامة نصر صفرا على وشها.
هالة! مش معقول.. برافو عليكي، سمعت إن شركتك واخدة شغل كتير اليومين دول. كويس إنك عرفتي تقفي على رجلك بعد اللي حصل. قالتها وهي بتضغط على إيد كريم كأنها بتعلم على ملكيتها.
كريم كان ساكت، عينه كانت بتدور في ملامحي، كأنه بيدور على هالة الضعيفة اللي سابها ليلة الطلاق وملقاهاش.
في اللحظة دي، الباب بتاع القاعة اتفتح ودخلت منه ليلى.
بنتي.. اللي عندها سنتين. كانت داخلة مع المربية بتاعتها، لابسة فستان أبيض صغير وشعرها كيرلي بيتحرك معاها وهي بتجري عليا.
ماما! صرخت بفرحة وهي بتجري وسط المعازيم.
القاعة كلها هديت، والعيون كلها راحت للطفلة اللي زي الملاك. أنا نزلت لمستواها، شلتها وضميتها لقلبي، وبستها قدام الكل.
كريم كان واقف كأنه اتضرب بالقلم.. حرفياً مكنش بيتحرك. بص لليلى، وبعدين بص لعيني، وشفت اللحظة اللي الحقيقة خبطت فيها في دماغه زي القطر.
ليلى كانت نسخة منه. نفس لون العين، نفس رسمة المناخير، وحتى نفس الشامة الصغيرة اللي عند طرف عينها.
سارة وشها قلب ألوان، وبدأت تبرق لكريم وهي مش فاهمة في إيه.
كريم قرب خطوة، صوته كان طالع بالعافية وهو بيترعش هالة.. دي.. دي مين؟
عدلت ليلى ، وبصيت له بكل برود وثقة وقلت له دي المعجزة اللي وصلت الليلة اللي إنت قررت فيها إنك تمشي.. دي ليلى، بنتي.
سارة بصت لكريم بذهول بنتك؟ إنت كان عندك بنت؟
كريم مكنش سامعها أصلاً. كان باصص للبنت اللي كان بيتمناها سنين، البنت اللي ضحى ببيته وجوازه عشان فاكر إنها مش هتيجي أبداً.. وهي كانت هناك طول الوقت، مستخبية في رحم الأم اللي هو استهتر بيها.
حاول يمد إيده يلمس إيد ليلى، بس هي استخبت في رقبتي وبصت له بخوف من شخص غريب.
ليلى مش متعودة على الغرباء يا كريم بيه، قلتها وأنا ببتسم بانتصار هادي. عن إذنكم، شركائي مستنيينني.
مشيت وأنا شايلاها، وسبته واقف في نص القاعة، مع الست اللي اختارها عشان تبني له عيلة، وهو لسه بيفهم إنه خسر العيلة الحقيقية اللي كانت بين إيديه.. ومبقتش ملكه، ولن تكون.
حكايات شروق خالد
كريم وقف مكانه كأنه صنم، عينه ماليانة دموع وصدمة، وسارة كانت جنبه بتغلي، مش بس من الغيرة، لكن من الإحراج قدام مجتمع رجال الأعمال كله اللي كان مراقب المشهد.
سارة شدت كريم من دراعه بقوة وقالت بوشوشة مسموعة كريم! إنت كنت عارف؟ كنت مخبي عليا إنها كانت حامل؟
كريم ماردش عليها، مكنش شايف غير ليلى وهي بتضحك . فجأة، وبدون مقدمات، ساب إيد سارة وتبعني بخطوات سريعة لغاية ما وقف قدامي وأنا وسط مجموعة من المستثمرين.
هالة.. أرجوكي، لازم نتكلم، صوته كان مكسور، مكنش فيه ذرة من الغرور اللي كان عنده من سنتين. ليه؟ ليه خبيتي عني؟ دي بنتي.. من حقها تعرف أبوها.
أنا لفت له بكل هدوء، وطلبت من المربية تاخد ليلى توديها ركن الحلويات بعيد عن الكلام ده. لما ليلى مشيت، بصيت في عينه مباشرة وقلت له
حقها؟ إنت بتتكلم عن الحقوق يا كريم؟ الليلة اللي إنت طلبت فيها الطلاق، أنا كنت جاية أقولك إن المعجزة حصلت. كنت جاية أهدي لك الدنيا كلها في خبر.. بس إنت كنت مشغول بإنك تبيعني لسارة.
قرب مني خطوة وهو بيهمس أنا كنت فاكر إن الأمل مقطوع.. كنت يائس.
اليأس مبرر للخيانة؟ رديت عليه بابتسامة سخرية. إنت مسبتش البيت عشان مفيش أطفال، إنت سبته عشان ملكش أمان. ولما مشيت، أنا قررت إن ليلى مش هتعيش في بيت خشب أعمدته مسوسة، زي ما كنت بقولك زمان. بنتي كبرت في بيت كله حب ونجاح.. بيت ملوش علاقة بيك.
سارة وصلت ووقفت جنبه، وشها كان أحمر من الغضب إنتي فاكرة إنك كدة كسبتي؟ دي بنته قانوناً، وهو يقدر...
قاطعتها وأنا بضحك بجد يقدر إيه؟ كريم مضى على ورق التنازل عن كل شيء ليلة الطلاق مقابل إنه يخرج بسرعة عشان يبدأ حياته معاكي. أنا مهندسة يا سارة، وبخطط لكل خطوة. ليلى شايلة اسم أبوها في الورق، لكن في الحقيقة هي بنتي أنا وبس.
كريم بص لسارة بقرف، وكأنه لسه