نار الصعيد الأخيرة شروق خالد

صفاء إيه يا شروق؟ لسه نايمة؟ الشمس طلعت والزرع مستني، ولا فاكرة نفسك هانم في بيت أبوكي؟
شروق أنا من الفجر في الزريبة بنضف، ولسه مخلصة شغل البيت مش قادرة أتنفس حتى.
ولاء تتنفسي؟ هو انتي بتتعبي أصلًا؟ ده البهايم أرحم منك على الأقل ليها لازمة.
شروق أنا مش جاية أخدمكم أنا كنت مرات ابنك.
صفاء كنتي اسمعي الكلمة كويس. كنتي! إنما دلوقتي إنتي عالة علينا، بتاكلي وتشربي من خيرنا.
شروق خيركم؟! ده حقي!
ولاء حقك إيه بس؟ جوزك مات من تاني شهر، يعني نحس دخلتي البيت خرّبتيه وعايزة حق كمان؟
شروق عيب اللي بتقوليه ده!
صفاء العيب إني سايباكي لحد دلوقتي. أنا لو عليا كنت رميتك بره من زمان، بس بستر عليكي قدام الناس.
شروق ستر؟! ده ذل واهانة كل يوم.
ولاء ولو مش عاجبك، الباب يفوت جمل. بس قبل ما تمشي، تخلصي شغل الزرع كله وتنضفي الزريبة، وتغسلي المواعين.
شروق أنا مش خدامة عندكم.
صفاء لا الخدامة بناخدها بفلوس. إنما إنتي بتسدي دينك.
شروق دين إيه؟!
صفاء أكلتي وشربتي وقعدتي في البيت كل ده بحساب.
ولاء وياريتك حتى نافع ده انتي تقيلة على القلب.
شروق كفاية بقى أنا مش هسكت أكتر من كده.
صفاء هتعملي إيه يعني؟ صوتك هيعلى علينا؟ انتي مالكش حد.
ولاء أيوه، ولا ضهر ولا سند عشان كده ساكتة ومذلولة.
شروق أنا ساكتة عشان بحاول

أعدي الأيام مش ضعف.
صفاء الأيام هنا بتمشي بكلامي أنا، مش بمزاجك.
ولاء يلا اتحركي على الزرع بدل ما أجرجرك بنفسي.
شروق حاضر هروح.
صفاء أهو كده، خليكي عارفة مقامك.
شروق مقامي أنا عارفاه كويس بس إنتوا اللي هتعرفوه قريب.
ولاء بتتهددي؟!
شروق لا بفكّركم بس إن لكل حاجة وقت.
صفاء امشي يا بت من قدامي قبل ما أوريكي الوش التاني.
شروق ماشي بس لما يبان وشي أنا، محدش فيكم هيستحمل.
الريحة تقيلة في الزريبة، صوت البهايم عالي، والطين لازق في الأرض، وشروق واقفة بإيدين متوسخة وهدومها مليانة تراب، بتلم الروث وهي مخنوقة من التعب.
صفاء إيه البطء ده يا شروق؟ هو أنا قلت لك تيجي تتمشي ولا تشتغلي؟
شروق من الفجر وأنا هنا إيدي وجعتني خلاص.
ولاء واقفة عند الباب وبتضحك بسخرية وجعتك؟ طب قولي للبهايم يستريحوا عشان شروق تعبانة!
شروق بتبص لهم بغيظ أنا بني آدمة مش حيوان.
صفاء لا يا حبيبتي الحيوان له قيمة، إنما إنتي لولا سترنا كنتي في الشارع.
شروق ستركم ده ذل.
ولاء والذل قليل عليكي ده إنتي نحس، دخلتي البيت وجوزك مات بعدها على طول.
شروق بتشد على الجردل بعصبية ما تجيبوش سيرة جوزي!
صفاء بتقرب منها أجيبه غصب عنك هو اللي جابك لينا، وهو اللي سيبك حمل تقيل علينا.
شروق أنا مش حمل على حد.
ولاء تزقها خفيف أمال إيه؟ بتاكلي وتشربي ببلاش؟
شروق بتتزحلق رجليها في الطين وتقع على ركبتها آه!
ولاء بتضحك حتى الوقفة مش عارفاها مسخرة!
صفاء قومي يا بت! الأرض دي مش للراحة.
شروق بتقوم بالعافية وعنيها مليانة دموع كفاية بقى حرام عليكم.
صفاء الحرام إننا سايبينك عايشة وسطنا لحد دلوقتي.
ولاء يلا خلصي، ولسه وراكي تنظيف الحوض وتغسيل الأكل للبهايم.
شروق مش قادرة والله مش قادرة.
صفاء بصوت قاسي هتقدري غصب عنك وإلا أقسم بالله ما تدوقي لقمة النهارده.
شروق بتبص حواليها، صوت البهايم عالي والجو خانق أنا بموت هنا
ولاء تموتي ولا تعيشي مش فارقة عندنا.
شروق بصوت منخفض لكنه مليان كسر ربنا شايف كل حاجة.
صفاء خليه يشوف إحنا كمان مستنيين يعملك إيه.
شروق بتمسح دموعها بإيد متوسخة وبتكمل شغل حاضر هكمل.
ولاء بابتسامة خبيثة أهو كده اشتغلي واسكتي.
شروق وهي بتبص لهم بنظرة مختلفة، فيها وجع وغضب هسكت بس مش دايمًا.
الشارع زحمة، صوت البياعين عالي، وريحة التراب والعرق مالية الجو. فجأة باب البيت يتفتح بعنف، وصفاء طالعة وهي ماسكة شروق من شعرها بكل قوتها، بتجرها على الأرض.
شروق سيبيني! حرام عليكي!
صفاء بتزعق حرام؟ دلوقتي افتكرتي الحرام؟!
ولاء ممسكة دراع شروق وبتشدها امشي قدام يا نحس كفاية قرف لحد كده!
شروق بتحاول تفلت أنا معملتش حاجة!
صفاء لسه بتردي؟! ده أنا أوريكي!
شدّة أقوى شروق تقع على الأرض، رجليها بتتخبط في الحجارة وهي بتتسحب وسط نظرات الناس.
راجل من السوق إيه يا ست بالراحة شوية!
صفاء بتبصله بحدة مالكش دعوة! دي تربيتي وأنا حرة فيها!
ولاء دي عايشة على حسابنا وبتتكبر كمان!
شروق بتصرخ أنا مظلومة!
واحدة ست من الواقفين طب سيبوها يا جماعة البنت شكلها تعبانة.
صفاء تعبانة؟ دي ممثلة! أكلتنا وشربتنا وكمان فاتحة بقها!
ولاء تزق شروق بقوة يلا اقعدي هنا!
شروق تقع في نص السوق، هدومها متوسخة، شعرها مبهدل، والناس حوالينها بتبص.
صفاء بصوت عالي قدام الكل أهي! اللي مش عاجبه يلمها! من النهارده مالهاش مكان عندي!
ولاء ولو حد شافها ناحية بيتنا تاني هكسر رجليها!
شروق بتحاول تقوم، صوتها مكسور أنا مليش حد
صفاء كان عندك بس ضيعتيه بنحسك.
ولاء يلا يا أمي سيبيها خلّيها تدوق المر لوحدها.
الاتنين يمشوا ويسيبوا شروق في نص السوق، والناس ما بين متفرج وساكت.
شروق بتبص حواليها، دموعها نازلة بس عيونها فيها نار كلكم سيبتوني
لحظة سكون وبعدين صوتها يطلع أهدى، بس أقوى
شروق بس أنا مش هفضل كده والله ما هفضل كده.
شروق قاعدة على الأرض في نص السوق، هدومها متبهدلة ووشها مليان تراب ودموع، والناس حوالينها بتبص وتمشي كأنها مش موجودة. فجأة يقف قدامها راجل كبير في السن، عيونه حادة وصوته هادي بس فيه قوة.
حسن قومي يا بنتي الأرض مش مكانك.
شروق