الرزق المسطور: وجع القرايب شروق خالد
كسبت في البرنس اليانصيب وقلت محدش يعرف
ريحة الشوي في بيت أخويا جابر كانت تجوع بلد.. ريش وكفتة ولحمة محمرة، والبيبسي المشبر واللمة والضحك ماليين المكان. وأنا، سيد، قاعد في طرف التربيزة، قدامي طبق فاضي وغصة في حلقي مش عايزة تروح. كنت لابس أنضف قميص عندي، بس الياقة بتاعته كانت دايبة من كتر الغسيل.
إيديا اللي شقيت من نار الفرن في المخبز الصغير اللي فاتحه في جراج بيتي كانت بترتعش. استنيت لما الكل غرف وبدأ ياكل وقلت بصوت واطي يا جابر.. يا سهير.. كنت عايز أتكلم معاكم في موضوع ضروري.
جابر مسح دهون اللحمة من على بقه بضهر إيده وقالي بنبرة ناشفة اخلص يا سيد.. لو جاي تطلب سلف تاني عشان تشتري دقيق، وفر كلامك عشان الخزنة مقفولة.
سهير ضحكت وهي بتعدل السلسلة الدهب اللي في رقبتها يا سيد يا حبيبي، لازم تتعلم تدير مخبزك ده صح.. الرزق بيحب الخفية، واللي ملوش في الشغلة ما يفتحش بيت.
خدت نفس عميق وقلت
العملية محتاجة 50، جنيه، والحكومي بياخد شهور وأنا معنديش وقت. بصيت في عينيهم.. إخواتي.. دممي ولحمي. جابر لسه مغير عربيتة لآخر موديل، وسهير لسه راجعة من رحلة سياحة في أوروبا الأسبوع اللي فات. ال 50، دي بالنسبالهم فكة.
كملت وقلت والله هرجعهم أول ما أقدر.. أنا بس مزنوق في الوقت.
جابر ضحك ضحكة صفرا 50 ألف؟! أنت فاكر الفلوس بنزرعها يا سيد؟ أنا ورايا عمال وضرايب، مش ههز ميزانية الشركة عشان خاطر عينيك.
قلتله بصدمة بس أنت لسه شاري مركب صيد لانش الشهر اللي فات يا جابر!
زعق فيا ده استثمار وترفيه.. دي حاجة تانية خالص!
لفيت وشي لسهير وأنتي يا أختي؟
سهير عملت علامة الصليب وشهقت يا ساتر يا سيد.. سامحني يا خويا، العين بصيرة والإيد قصيرة، وأنا طالعة من السفر مديونة
خرجت من بيت جابر وأنا حاسس إن الدنيا اسودت في وشي، مش بس عشان عيني اللي بتضيع، لكن عشان قلوبهم اللي بقت حجر. روحت المخبز الصغير بتاعي وقعدت وسط شوالات الدقيق واليأس مالي قلبي. فجأة افتكرت ورقة البرنس اليانصيب اللي كنت شاريها بآخر فكة معايا من يومين. طلعتها من جيب القميص الدايب وأنا إيدي بترتعش، وفتحت الموبايل عشان أشوف النتيجة.
عيني مكنتش شايفة الأرقام كويس، بس لما ركزت.. قلبي دق لدرجة خفت يوقف. الأرقام هي هي.. أنا كسبت الجايزة الكبرى، 20 مليون جنيه!
في اللحظة دي، كان ممكن أرفع السماعة وأذلهم زي ما ذلوني، بس قررت ألعبها صح. عملت العملية في أكبر مستشفى خاص، ورجعت المخبز كأني لسه تعبان. بعدها بأسبوع، جابر وسهير جم يزوروني.. مش عشان يطمنوا، لا، دول عرفوا إن فيه مستثمر كبير اشترى الأرض اللي فيها المخبز بتاعي بمبلغ ضخم.
أهلا يا سيد يا حبيبي، ألف سلامة على عينك، سهير قالتها وهي
جابر كمل بخبث سمعنا إن المخبز هيتباع يا سيد.. قولت أجي أساعدك في الإجراءات عشان ميتضحكش عليك، وأنا أولى بنصيبي من ورث أبوك في الأرض دي.
بصيت لهم بابتسامة هادية وقلت تصدقوا يا إخواتي.. العين فعلاً بصيرة والإيد دلوقت بقت طويلة قوي.
طلعت لهم شيك ب 50 ألف جنيه ورميته لجابر خد يا جابر، ده تمن العملية اللي رفضت تسلفهولي، وده آخر مليم هتاخده مني طول ما أنا عايش.
وشهم اتخطف، وسهير سألت بذهول جبت الفلوس دي منين يا سيد؟
قمت وقفت وفتحت باب المخبز وقلت لهم بكلمات رصينة الرزق اللي كنتوا بتعايروني بيه جاني من وسع، والأرض دي مش هتتباع، دي هتتحول لأكبر مجمع خيري للمسنين والغلابة.. عشان مفيش حد يحتاج لحد نذل من دمه ويقوله الخزنة مقفولة.
طردتهم من حياتي قبل ما أطردهم من المكان، وعرفت إن الستر مش في الفلوس، الستر في إن ربنا يغنيك عن ناس مبيعرفوش معنى صله الرحم
الرزق المسطور
شروق خالد
